பள்ளியில் காத்திருக்கும் தந்தை

உன் வருகையை நாளை உலகம் எதிர்பார்க்க,

நானின்றிலிருந்தே காத்திருக்கிறேன்.

சனவரி 27, 2013

காவேரிப் பிரச்சினை - தமிழக முதல்வருக்கு ஒரு ஏழை விவசாயியின் கடிதம்

அம்மா! அனைவரும் அழைக்கின்றனர் அன்பில்;

என் பிள்ளையும்தான் பசியில்!

மக்கள் உண்ணும் உணவு – இன்று

எங்களுக்கு ஆனது கனவு.

பசேலென்ற இடங்கள் குடியிருப்பு ஆனது – மீதமும்

இன்று தரிசாய்ப் போனது.

பெருகி வரும் எங்களின் உயிரிழப்பு;

வருங்கால உலகிற்கு பேரிழப்பு.

நதிகளையும் தேசியமயமாக்கவில்லை – இன்று வரை

நிரந்தர தீர்வும் காணவில்லை.

இருபது ஆண்டுகளுக்கும் மேலாய்ப் பேச்சுவார்த்தை;

ஒவ்வொரு முறையும் கேள்விக்குறியாகின்றது

எங்கள் வாழ்க்கை.

உங்கள் கவனத்திற்கு,

நாட்டின் முதுகெலும்பு சற்றே தோய்வடைகின்றது,

தேய விடமாட்டீர்கள் என்று நம்புகிறோம்.

இப்படிக்கு,

எதிர்கால நலம் விழையும் நிகழ்கால விவசாயி.

சனவரி 6, 2013